ANG PRINSIPE KONG HINDI SA AKIN : (

ngayon ang gusto ko ay mag-isip ng ibang bagay. yung walang kinalaman sa trabaho kong mahal [uuugh]. yung tipong maisip ko pa lang ngingiti na ako kaagad. o sha sige na nga gusto kong isipin ang prinsipe kong hindi naman sa akin. haaaay. eh, ano ba naman kasi ang nagustuhan ko dun eh 1 inch lang naman ang tangkad sa akin? hindi lang yun, puro pimples pa. at higit sa lahat he's very comitted sa kanyang almost 5 year relationship. pero kasi kapag ngumiti na sha nawawala na ko sa sarili ko. kapag kinakausap niya ako pakiramdam ko, kaming dalawa lang ang tao sa mundo. haaaay. ano ba ito?
minsan nga nung tumawag siya sa akin, maliwanag pa lang nun pero nang matapos ang usapan madilim na. anung pinag-uusapan namin? wala. kung anu-ano lang. tungkol sa aso, sa sasakyan, sa pamilya ko at pamilya niya. minsan tungkol sa trabaho o tungkol sa pera. kadalasan tungkol sa babaeng mahal niya. aray ko di ba?! eh anu naman ang magagawa ko, at least may dahilan kami para mag-usap at may dahilan siya para gambalain ako sa tuwing matutulog ako sa umaga. haaaaaaay ulit.
paboritong araw ko ang linggo. bakit kamo? kasi hindi lang araw ito ng pahinga ko kungdi araw din na nakikita at nakakasama ko ang aking prinsipe kasama pa ng iba naming mga kaibigan. andyan yung pagdating ko sa tambayan, makaraan ng ilang minuto siya naman ang darating. at kahit 5 oras kami kung mag-usap sa telepono, nakukuha pa namaing pag-usapan ang mga iyon kapag nagkikita kami. saya no?
kailan kaya ako magigising sa kabaliwan ko? alam ko na 'tong ganitong pagkakataon eh. alam kong sa huli ay pagtatawanan ko lang ang sarili ko sa kagagahan ko ngayon o malamang umiyak na naman ako dahil masasaktan ako. naku! huwag naman sana yung pangalawa.